Untitled 2 .auto-style1 { font-family: "Phetsarath OT"; font-size: medium; } .auto-style2 { text-align: right; } .auto-style3 { color: #0033CC; }
ກົມພັດທະນາຊົນນະບົດ ມີໜ້າທີ່ດັ່ງນີ້:
| 1. | ປະຕິບັດກົດໝາຍ, ດຳລັດ, ນິຕິກຳອື່ນຂອງຂັ້ນເທິງ ແລະ ນິຕິກຳຕ່າງໆ ຂອງກະຊວງກະສິກຳ ແລະ ສິ່ງແວດລ້ອມ້; |
| 2. | ຄົ້ນຄວ້າ, ເຊື່ອມຊຶມແນວທາງນະໂຍບາຍຂອງພັກ ແລະ ລັດຖະບານ ກ່ຽວກັບວຽກງານກະສິກຳ, ສິ່ງແວດລ້ອມ ແລະ ພັດທະນາຊົນນະບົດ ແລະ ຫຼຸດຜ່ອນຄວາມທຸກຍາກ ມາເປັນແຜນງານ ແລະ ໂຄງການສະເພາະ ຂອງຕົນ ພ້ອມທັງຄຸ້ມຄອງ ແລະ ຈັດຕັ້ງປະຕິບັດໃຫ້ໄດ້ຮັບຜົນດີ; ຄົ້ນຄວ້າ, ສ້າງຮ່າງຍຸດທະສາດ ແລະ ນະໂຍບາຍ ກ່ຽວກັບການຄຸ້ມຄອງ, ຊຸກຍູ້ສົ່ງເສີມ, ພັດທະນາ ແລະ ກວດກາວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ຕາມທິດ 3 ສ້າງ ເພື່ອສະເໜີລັດຖະມົນຕີກະຊວງກະສິກໍາ ແລະ ສິ່ງແວດລ້ອມ ພິຈາລະນາຮັບຮອງ; ຄົ້ນຄວ້າສ້າງ, ປັບປຸງ, ໂຄສະນາເຜີຍແຜ່ ແລະ ກວດກາປະເມີນຜົນການຈັດຕັ້ງປະຕິບັດບັນດາກົດໝາຍ, ນິຕິກຳລຸ່ມກົດໝາຍ, ນະໂຍບາຍ, ແຜນຍຸດທະສາດ, ແຜນງານ ແລະ ໂຄງການກ່ຽວກັບຂະແໜງພັດທະນາຊົນນະບົດ; |
| 3. | ສຸມທຸກກໍາລັງແຮງ ເຂົ້າໃນການພັດທະນາຊົນນະບົດ ແລະ ສິ່ງແວດລ້ອມ ເພື່ອປະກອບສ່ວນຊຸກຍູ້ການຜະລິດສະບຽງອາຫານໃຫ້ພຽງພໍ ເພື່ອຄ້ຳປະກັນຄວາມໝັ້ນຄົງທາງດ້ານສະບຽງອາຫານ ແລະ ໂພຊະນາການ, ມີວັດຖຸດິບປ້ອນໂຮງງານປຸງແຕ່ງ, ມີຜົນຜະລິດສົດ, ສະອາດ ແລະ ປອດໄພ ເພື່ອຊົມໃຊ້ພາຍໃນປ່ຽນແທນການນໍາເຂົ້າ ແລະ ຜະລິດສິນຄ້າສົ່ງອອກ; |
| 4. | ເປັນໃຈກາງສັງລວມ ແລະ ສ້າງເປັນແຜນງານ, ແຜນການ ແລະ ໂຄງການ ກ່ຽວກັບການພັດທະນາຊົນນະບົດຮອບດ້ານລະດັບຊາດ; ສ້າງແຜນການ ແລະ ໂຄງການ ເພື່ອພັດທະນາພື້ນຖານໂຄງລ່າງທີ່ຕິດພັນກັບວຽກງານກະສິກໍາ ແລະ ສິ່ງແວດລ້ອມ ໃນຊົນນະບົດ; ສ້າງແຜນການ ແລະ ໂຄງການພັດທະນາອາຊີບ ແລະ ປັບ ປຸງລະບົບການຈັດຕັ້ງການຜະລິດໃນຊົນນະບົດ ເພື່ອສະເໜີລັດຖະມົນຕີກະຊວງກະສິກໍາ ແລະ ສິ່ງແວດລ້ອມ ພິຈາລະນາອະນຸມັດ ພ້ອມທັງເປັນໃຈກາງຄຸ້ມຄອງ, ຕິດຕາມ, ຊຸກຍູ້ ການຈັດຕັ້ງປະຕິບັດໃຫ້ໄດ້ຮັບຜົນດີ; |
| 5. | ຄົ້ນຄວ້າກຳນົດມາດຕະຖານ ແລະ ຕົວຊີ້ວັດແຫ່ງຊາດ ກ່ຽວກັບວຽກງານພັດທະນາຊົນນະບົດໃໝ່ (ມາດຕະຖານຄອບຄົວພົ້ນທຸກ ແລະ ພັດທະນາ; ມາດຕະຖານບ້ານພົ້ນທຸກ ແລະ ບ້ານພັດທະນາ; ມາດຕະຖານບ້ານໃຫຍ່ເປັນຕົວເມືອງນ້ອຍໃນຊົນນະບົດ; ມາດຕະຖານເມືອງພົ້ນທຸກ ແລະ ເມືອງເຂັ້ມແຂງຮອບດ້ານ) ຕາມທິດ 3 ສ້າງ, ຈັດຕັ້ງການປະເມີນບັນດາມາດຕະຖານ ຂອງຄອບຄົວ, ບ້ານ ແລະ ເມືອງ ພົ້ນທຸກ ແລະ ພັດທະນາ, ຊົນນະບົດໃໝ່, ພ້ອມທັງວິເຄາະ, ວິໄຈ, ສັງລວມເຂົ້າລະບົບຖານຂໍ້ມູນ ແລະ ສະຫຼຸບລາຍງານການຈັດຕັ້ງປະຕິບັດວຽກງານດັ່ງກ່າວ ໃຫ້ກະຊວງກະສິກໍາ ແລະ ສິ່ງແວດລ້ອມ ເພື່ອນໍາສະເໜີ ລັດຖະບານ ພິຈາລະນາຮັບຮອງເປັນແຕ່ລະໄລຍະ; |
| 6. | ຄົ້ນຄວ້າ, ສະເໜີກໍານົດຈຸດສຸມພັດທະນາຊົນນະບົດໃນແຕ່ລະໄລຍະ ໃຫ້ສອດຄ່ອງກັບສະພາບຄວາມເປັນຈິງ ເປັນຕົ້ນແມ່ນ ຈຸດສຸມຈັດສັນພູມລໍາເນົາ, ຈຸດສຸມສ້າງບ້ານພັດທະນາ, ສ້າງບ້ານໃຫຍ່ກາຍເປັນຕົວເມືອງນ້ອຍໃນຊົນນະບົດ ແລະ ຈຸດສຸມອື່ນໆ ໃຫ້ເປັນເອກະພາບ ລະຫວ່າງ ສູນກາງ ແລະ ທ້ອງຖິ່ນ ພ້ອມທັງສ້າງເປັນແຜນງານ, ແຜນການ ແລະ ໂຄງການໃຫ້ຂະແໜງການຂັ້ນສູນກາງ ແລະ ທ້ອງຖິ່ນ ໄດ້ສຸມໃສ່ພັດທະນາ ພ້ອມທັງຊຸກຍູ້, ຕິດຕາມ ແລະ ປະເມີນຜົນການຈັດຕັ້ງປະຕິບັດ ເປັນແຕ່ລະໄລຍະ; |
| 7. | ຄົ້ນຄວ້າ, ກໍານົດຈຸດສຸມຈັດສັນພູມລຳເນົາ ແລະ ອາຊີບ ຂອງສູນກາງ ແລະ ທ້ອງຖິ່ນ (ຈຸດຍົກຍ້າຍປະຊາຊົນ, ຈັດເຕົ້າໂຮມ), ຈຸດຈັດສັນສະເພາະ ແຕ່ລະໄລຍະໃນທົ່ວປະເທດ; ຄົ້ນຄວ້າ, ສັງລວມ, ສ້າງແຜນການ ຈັດສັນພູມລຳເນົາ ແລະ ອາຊີບ ຕາມປະເພດ ຂອງການຈັດສັນພູມລຳເນົາ ແລະ ອາຊີບ ແລ້ວນຳເໜີຕໍ່ຄະ ນະກຳມະການຈັດສັນພູມລຳເນົາ ແລະ ອາຊີບ ຕາມຂັ້ນຄຸ້ມຄອງ; |
| 8. | ເປັນໃຈກາງປະສານງານກັບຂະແໜງການກ່ຽວຂ້ອງ ຂອງບັນດາກະຊວງ, ຫ້ອງການ, ບັນດາກົມ, ສະຖາບັນ, ຫົວໜ່ວຍວິຊາການລະດັບສອງ ອ້ອມຂ້າງກະຊວງກະສິກຳ ແລະ ສິ່ງແວດລ້ອມ ແລະ ພາກສ່ວນທີ່ກ່ຽວ ຂ້ອງ ໃນການພັດທະນາຊົນນະບົດຮອບດ້ານ ຕາມພາລະບົດບາດ ຂອງບັນດາຂະແໜງການ ແລະ ທ້ອງຖິ່ນ, ລວມທັງພັດທະນາພື້ນຖານໂຄງລ່າງທີ່ຕິດພັນກັບວຽກງານກະສິກຳ ແລະ ສິ່ງແວດລ້ອມ ໃນເຂດຊົນນະບົດ, ພັດທະນາອາຊີບ ແລະ ປັບປຸງລະບົບການຈັດຕັ້ງການຜະລິດ ເພື່ອສ້າງລາຍຮັບປັບປຸງຊີວິດການເປັນຢູ່ ແລະ ແກ້ໄຂຄວາມທຸກຍາກໃຫ້ແກ່ຊາວຊົນນະບົດ, ຈັດສັນພູມລໍາເນົາ ແລະ ອາຊີບ, ກອງທຶນພັດທະນາຂັ້ນບ້ານຢູ່ເມືອງບໍ່ພົ້ນທຸກ ເພື່ອສົ່ງເສີມການຈັດຕັ້ງການຜະລິດ ແລະ ສ້າງໂອກາດໃຫ້ແມ່ຍິງ-ເດັກນ້ອຍເຂດຊົນນະບົດ; |
| 9. | ຄົ້ນຄວ້າ, ຈັດລຽງບຸລິມະສິດ, ຈັດສັນແຫຼ່ງທຶນຕ່າງໆ ແລະ ດັດແກ້ໂຄງການລົງທຶນຂອງລັດ ທີ່ຕິດພັນກັບວຽກງານພັດທະນາຊົນນະບົດ, ການພັດທະນາພື້ນຖານໂຄງລ່າງ ທີ່ຕິດພັນກັບວຽກງານກະສິກໍາ ແລະ ສິ່ງແວດລ້ອມ, ພັດທະນາອາຊີບ ແລະ ປັບປຸງລະບົບການຈັດຕັ້ງການຜະລິດ, ການສ້າງລາຍຮັບປັບປຸງຊີວິດການເປັນຢູ່ ແລະ ແກ້ໄຂຄວາມທຸກຍາກໃຫ້ແກ່ຊາວຊົນນະບົດ ຢູ່ເຂດຈຸດສຸມພັດທະນາຊົນນະບົດໃໝ່, ຈັດສັນພູມລໍາເນົາ, ຈຸດສຸມສ້າງບ້ານພັດທະນາ, ສ້າງບ້ານໃຫຍ່ເປັນຕົວເມືອງນ້ອຍໃນຊົນນະບົດ ແລະ ຈຸດສຸມ ອື່ນໆ ໃຫ້ເປັນເອກະພາບກັນລະຫວ່າງ ສູນກາງ ແລະ ທ້ອງຖິ່ນ ພ້ອມທັງຄຸ້ມຄອງ, ຕິດຕາມ, ຊຸກຍູ້, ກວດກາ, ປະເມີນຜົນ ແລະ ສະຫຼຸບລາຍງານການຈັດຕັ້ງປະຕິບັດ ເປັນແຕ່ລະໄລຍະ; |
| 10. | ສ້າງ, ພັດທະນາ, ຄຸ້ມຄອງ ເຊື່ອມໂຍງລະບົບຖານຂໍ້ມູນ, ສະໜອງ, ນໍາໃຊ້ ແລະ ເຜີຍແຜ່ຂໍ້ມູນຂ່າວສານ ກ່ຽວກັບວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃຫ້ເຂົ້າເຖິງສະດວກ, ທັນການ ແລະ ທົ່ວເຖິງ; |
| 11. | ຄຸ້ມຄອງ ແລະ ຈັດຕັ້ງປະຕິບັດບັນດາໂຄງການງົບປະມານຂອງລັດ ແລະ ໂຄງການຮ່ວມມືກັບຕ່າງປະເທດ ກ່ຽວກັບວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃຫ້ໄປຕາມວຽກຈຸດສຸມ ຂອງກະຊວງ, ວຽກຈຸດສຸມ ຂອງລັດຖະບານໃນແຕ່ລະໄລຍະ ທັງຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ; ມີການຕິດຕາມ, ກວດກາ ແລະ ປະເມີນຜົນການຈັດຕັ້ງປະຕິບັດ ໃຫ້ມີຜົນສຳເລັດ; |
| 12. | ສັງລວມ, ເກັບກໍາຂໍ້ມູນ ແລະ ຈັດສັນພູມລໍາເນົາ ແລະ ບ່ອນທໍາມາຫາກິນຖາວອນ ໃຫ້ປະຊາຊົນໃນເຂດເປົ້າໝາຍຍົກຍ້າຍ ແລະ ເຂດແກ້ໄຂບັນຫາການເຄື່ອນຍ້າຍ ຂອງພົນລະເມືອງແບບຊະຊາຍ, ສົມດຸນປະຊາກອນ ຫຼື ກໍາລັງແຮງງານກັບພື້ນທີ່ ຕາມຂັ້ນຕອນການຈັດສັນພູມລໍາເນົາ ແລະ ອາຊີບ ທີ່ກໍານົດໄວ້ໃນກົດໝາຍ ແລະ ລະບຽບການ; |
| 13. | ປະສານສົມທົບກັບບັນດາຂະແໜງການກ່ຽວຂ້ອງ ທັງພາກລັດ ແລະ ຜູ້ປະກອບການ ເພື່ອຊຸກຍູ້, ສົ່ງເສີມສ້າງເງື່ອນໄຂ ແລະ ອໍານວຍຄວາມສະດວກໃນການຜະລິດເປັນສິນຄ້າ, ການເຂົ້າເຖິງແຫຼ່ງທຶນ, ການເຂົ້າເຖິງຕະຫຼາດ, ຝຶກອົບຮົມ, ທັດສະນະສຶກສາ ແລະ ແລກປ່ຽນບົດຮຽນ ໃຫ້ປະຊາຊົນໃນການພັດທະນາອາຊີບ, ປັບປຸງລະບົບການຈັດຕັ້ງການຜະລິດ, ສົ່ງເສີມ ແລະ ສ້າງໂອກາດໃຫ້ແມ່ຍິງ-ເດັກນ້ອຍເຂດຊົນ ນະບົດ, ຈຸດສຸມຊົນນະບົດໃໝ່, ຈັດສັນພູມລໍາເນົາ ແລະ ອາຊີບ, ສ້າງບ້ານພັດທະນາ, ສ້າງບ້ານໃຫຍ່ກາຍ ເປັນຕົວເມືອງນ້ອຍໃນຊົນນະບົດ ແລະ ຈຸດສຸມອື່ນໆ; |
| 14. | ຄຸ້ມຄອງ, ຊຸກຍູ້, ຕິດຕາມ, ກວດກາ ແລະ ປະເມີນການຈັດຕັ້ງປະຕິບັດວຽກງານກອງທຶນພັດທະນາຂັ້ນບ້ານ ຢູ່ເມືອງບໍ່ພົ້ນທຸກ (ບ້ວງ 500 ລ້ານກີບ) ໃຫ້ເຄື່ອນໄຫວໄປຕາມກົດໝາຍ ແລະ ລະບຽບການ ພ້ອມທັງສະຫຼຸບລາຍງານການຈັດຕັ້ງປະຕິບັດວຽກງານດັ່ງກ່າວ ໃຫ້ຂັ້ນເທິງ ແລະ ພາກສ່ວນກ່ຽວຂ້ອງ ແຕ່ລະໄລຍະ ຢ່າງເປັນປົກກະຕິ; |
| 15. | ພົວພັນຮ່ວມມືກັບພາກພື້ນ ແລະ ສາກົນ ກອບການຮ່ວມມື ສອງຝ່າຍ, ຫຼາຍຝ່າຍ, ອາຊຽນ, ການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ, ຂະບວນການກອງປະຊຸມໂຕະມົນ, ຜູ້ປະກອບການ ແລະ ອື່ນໆ ເພື່ອໃຫ້ໄດ້ການຊ່ວຍເຫຼືອດ້ານທຶນຮອນ ແລະ ດ້ານເຕັກນິກວິຊາການ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃຫ້ບັນລຸຄາດໝາຍທີ່ວາງໄວ້ແຕ່ລະໄລຍະ; |
| 16. | ເຂົ້າຮ່ວມປະຊຸມ, ສຳມະນາ, ຝຶກອົບຮົມ, ທັດສະນະສຶກສາ ແລະ ແລກປ່ຽນບົດຮຽນ ຢູ່ພາຍໃນ ແລະ ຕ່າງປະເທດ ເພື່ອສ້າງຄວາມເຂັ້ມແຂງ ໃຫ້ພະນັກງານຂະແໜງພັດທະນາຊົນນະບົດ ຢູ່ຂັ້ນສູນກາງ ແລະ ທ້ອງຖິ່ນ, ກໍ່ຄືນັກພັດທະນາກອນ ເພື່ອຮຽນຮູ້ ແລະ ນໍາພາປະຊາຊົນເຮັດຕົວຈິງຢູ່ທ້ອງຖິ່ນ ແລະ ບັນດາຈຸດສຸມ ໃນຂະບວນການພັດທະນາຊົນນະບົດ ແລະ ແກ້ໄຂຄວາມທຸກຍາກ ໂດຍຕິດພັນສະໜິດແໜ້ນກັບຂະບວນການຜະລິດເປັນສິນຄ້າ ເພື່ອສ້າງອາຊີບ ແລະ ສ້າງລາຍຮັບໝັ້ນຄົງ; |
| 17. | ຮັບຜິດຊອບເປັນກອງເລຂາ ໃນຂົງເຂດວຽກງານພັດທະນາຊົນນະບົດ, ແກ້ໄຂຄວາມທຸກຍາກ, ຈັດສັນ ພູມລໍາເນົາ ແລະ ອາຊີບ, ກອງເລຂາພັດທະນາຊົນນະບົດ ແລະ ລຶບລ້າງຄວາມທຸກຍາກອາຊຽນ ແລະ ກອງເລຂາຂະແໜງການຍ່ອຍພັດທະນາຊົນນະບົດ; |
| 18. | ຄົ້ນຄວ້າ, ນຳສະເໜີ ກ່ຽວກັບການປັບປຸງກົງຈັກການຈັດຕັ້ງ, ພ້ອມທັງກໍານົດຕໍາແໜ່ງງານໃຫ້ຄົບຖ້ວນນັບແຕ່ສູນກາງລົງຮອດທ້ອງຖິ່ນ, ແຜນກຳນົດສ້າງ, ບຳລຸງຍົກລະດັບ, ຄຸ້ມຄອງ, ຕິດຕາມ, ກວດການໍາໃຊ້ ແລະ ປະຕິບັດນະໂຍບາຍຕ່າງໆ ໃຫ້ພະນັກງານ-ລັດຖະກອນ. ພ້ອມທັງສະເໜີປະຕິບັດນະໂຍບາຍຍ້ອງຍໍ-ຊົມເຊີຍ ຕໍ່ຜູ້ມີຜົນງານດີເດັ່ນ, ຄົ້ນຄວ້ານຳສະເໜີໂຈະການເລື່ອນ ຊັ້ນ, ຂັ້ນ ຕໍ່ພະນັກງານ-ລັດຖະກອນ ຜູ້ທີ່ລະເມີດຕໍ່ກົດໝາຍ ແລະ ລະບຽບການ; |
| 19. | ຄຸ້ມຄອງ, ບໍລິຫານ-ການເງິນ ແລະ ຊັບສິນ ຂອງກົມ ພ້ອມທັງຂຶ້ນແຜນການ, ງົບປະມານ ແລະ ສະຫຼຸບສັງ ລວມ ຕາມກົດໝາຍ ແລະ ລະບຽບການ; |
| 20. | ປະກອບສ່ວນເຂົ້າໃນການພັດທະນາບັນດາວິທະຍາໄລກະສິກໍາ ແລະ ປ່າໄມ້ ແລະ ໂຮງຮຽນ ທີ່ຂຶ້ນກັບ ກະຊວງກະສິກໍາ ແລະ ສິ່ງແວດລ້ອມ ໃຫ້ມີຄວາມເຂັ້ມແຂງ; ຫັນກິດຈະກໍາໂຄງການ, ງົບປະມານ, ເຕັກນິກວິຊາການ ແລະ ສິ່ງອໍານວຍຄວາມສະດວກຕ່າງໆ ລົງສູ່ບັນດາສູນ, ສະຖານີ ຢູ່ຂັ້ນສູນກາງ ແລະ ທ້ອງຖິ່ນ ເພື່ອປະກອບສ່ວນສ້າງສູນ, ສະຖານີ ດັ່ງກ່າວໃຫ້ມີຄວາມເຂັ້ມແຂງ; |
| 21, | ສະຫຼຸບ, ລາຍງານ ວຽກງານຂອງຕົນ ໃຫ້ລັດຖະມົນຕີ ຊາບ ແລະ ເພື່ອຊີ້ນຳ; |
| 22. | ປະຕິບັດໜ້າທີ່ອື່ນໆ ຕາມທີ່ກຳນົດໄວ້ໃນນິຕິກຳອື່ນໆ ແລະ ການມອບໝາຍ ຂອງລັດຖະມົນຕີ, ຮອງລັດຖະມົນຕີ ຜູ້ຊີ້ນຳ. |